Skilaboð frá meistara Rowenu

Ég er Rowena – meistari þriðja geisla

Eitt af hlutverkum mínum er að aðstoða fólk við skrifa með hjartanu.  Ég svara kalli allra sem leita orða, orðalags, innblásturs eða hugmynda til skrifta. Leikskáld, ljóðskáld, rithöfundar, geta allir leitað til mín. En ég hjálpa líka öllum sem skrifa vísindatexta, ástarbréf eða hvers kyns texta. Ég vinn með skapandi hugsun í hvaða formi sem hún kemur.  Þeir sem fá ritstíflur geta leitað til mín.

Með því að leita til mín tengir þú þig upp. Þú styrkir sambandið við sálina þína og almættið. Það er það besta af öllu. Ef ég get bætt þá tengingu er ég sátt.

Hugsaðu upp á við þegar þú semur. Upp fyrir heilabúið.  Hlustaðu hvernig ég kem orðunum til þín. Þú getur flett upp í mér eins og spjaldskrá. Spurðu mig um orð og ég mun hjálpa þér.

Ég segi þetta ekki til að þú getir fengið Nóbelsverðlaunin heldur til að þú getir þroskað skrifin þín og sjálfan þig í leiðinni. Ekki skrifa með verðlaun í huga, heldur frekar að láta flæða. Það veldur ritstíflu að hugsa um öll verðlaunin sem þú ætlar að fá fyrir verkið. Þá stressast þú upp og allt stíflast.

Með því að hugsa upp fyrir heilann, viðurkennir þú líka að að það sé eitthvað stærra og meira en þú og það hjálpar þér í þroskanum. Þröngsýni heftir þroska. það eykur víðsýni að opna upp. Enda er útsýnið miklu betra hér ofan frá heldur en að neðan frá egóinu.

Með því að tengjast sálinni skrifar þú með hjartanu. Þér finnst þetta kannski vera ægilega væmið, en hjartað hefur ekkert að gera með væmni, heldur sannleikann. Hjartað hjálpar þér að greina sannleikann frá ranghugmyndum. Hjartað opnar þér líka leið upp í alheimsviskuna.  Hugurinn takmarkast við það sem þú hefur upplifað, en hjartað opnar þér visku alls sem er.

Það geta allir leitað til mín, ekki aðeins skáld eða rithöfundar. Allir sem þurfa að skrifa bréf, í vinnunni, til ástvina, tölvupóst, skiptir ekki máli. Aðalatriðið er að tengja þig upp í sálina þína og upp til mín eða annarra andlegra vera til að setja meiri orku í textann sem þú skrifar og líka til að koma í veg fyrir að þú særir með orðum þinum. 

Reyndu að vanda þig í öllum samskiptum. Orð geta sært meira en þig grunar. Reyndu að láta kærleiksorku fylgja orðum þinum, sérstaklega í rituðu máli. Settu kærleiksorku inn í bréfið og sjáðu fyrir þér hvernig hún fer inn í hjarta viðtakanda.   

Því betur sem þú gætir orða þinna, því skjótari verður þroski þinn. Fyrir þá sem ekki vita ástæðuna fyrir mikilvægi þess að þroskast bendi ég á, að hverju orði fylgir orka, sem kemur til baka til sendanda. Viltu fá jákvæða orku til þín til baka eða neikvæða orku?  Þitt er valið. Lífið verður svo miklu einfaldara þegar þið hættið að berjast og og lítið á hvert annað sem systkini ykkar. Þið eruð eins og egg í djúpri körfu. Öll eggin eru eins, en sum halda að þau séu eitthvað öðruvísi eða betri en önnur.  Það eru meiri líkur á að þið varðveitist öll óbrotin ef þið eruð ekki að berjast um í körfunni. Hugsið um heildina. Þið ætlið öll að komast heil upp úr körfunni og til þess þurfið þið að fara varlega að hvert öðru. Hlúa að hvert öðru.  Þið eruð öll systkini.  Við erum öll systkini, en sum eru komin upp úr körfunni.

Ég minni ykkur aftur á mig. Ég er til þjónustu reiðubúin, hvenær sem þið þurfið á mér að halda, til að skrifa texta, eða semja eitthvað í huganum. 

Hugsið vel um hvert annað, litlu egg og einn daginn komið þið út úr eggjunum.  :)   

Miðlað 7.4.2012 af HÞ  

Börn hjartans

Nú er kominn tími til að mannkynið færist upp um þroskaþrep og færi vitundina í hjartað eða hjartastöðina. Með því er átt við að í stað þess að hugsa einungis út frá sjálfum sér, er hugsað út frá heildinni.  Hjartað stendur fyrir kærleika og samhyggð og þar sem hjartastöðin er ríkjandi er friður, sátt og samlyndi.

Hér á jörð eru sálir sem sérstaklega komu til að kenna mannkyninu að dvelja í hjartastöðinni. Þær fæðast sem einstaklingar með Downs heilkenni og hver sem þekkir slíkan einstakling sér hvernig kærleikurinn, gleðin og umhyggja fyrir öðrum er ríkjandi. Því miður hefur vísindasamfélagið ákveðið að þetta væri galli í manninum og hvatt foreldra til að eyða þeim fóstrum sem greinast hugsanlega með þessa eiginleika. Þessar sálir ætluðu líka að ganga í gegnum ákveðinn lærdóm í því lífi og því leitt ef þær fá ekki tækifæri til þess.

En það eru fleiri börn sem fæðast í þessum tilgangi. Öll börnin sem fæðast nú með ofvirkni, athyglisbrest, einhverfu og hvers kyns aðrar tauga- og hegðunaraskanir, eru hingað komin til að hjálpa samfélaginu öllu. Það er tilgangslaust að vera sífellt að reyna að finna vísindalegar orsakir fyrir þessum röskunum. Þetta er hvorki litningagalli né efnaskiptavandamál. Ástæðan liggur í samfélaginu.

Samfélagið er orðið svo „markmiðamiðað“. Sem væri í lagi, væru markmiðin andlegs eðlis. Þess í stað beinast markmiðin að ytra byrði mannsins og þægindum og augunum lokað fyrir öllu sem gæti truflað á leið að þessu marki. En sálin fæddist ekki hér á jörð til að vinna sér fyrir einhverju sem er tilgangslaust hinu megin. Sálin vill þroskast og þess vegna setur hún upp allar þær hindranir sem við þurfum. Heilbrigð börn eru nokkuð sjálfbjarga, svo foreldrarnir geta sinnt vinnunni, líkamsræktinni og áhugamálunum. En börn með sérþarfir þarfnast okkar.

Það er krefjandi og erfitt á köflum að hugsa um barn með sérþarfir. Þú þarft að vera í andlegu jafnvægi, sem hvetur enn meira til að ná stjórn á tilfinningum og hugsunum. Þú þarft að opna hjartað, til að skynja hvernig barninu líður. Þú þarft að vera ákveðin á kærleiksríkan máta. Þegar þér finnst þú ekki ráða við þetta einn, geturðu leitað til annarra í samfélaginu, leikskólakennarar, þroskaþjálfa, iðjuþjálfa, sérkennara, kennara, stuðningsforeldra, fósturforeldra og fleiri, sem af ósérhlífni og hjálpsemi völdu sér starfsvettvang til að létta undir með foreldrum og umönnunaraðilum.  

Þetta eru börn hjartans, þó þau glími við sín verkefni og þau þarfnast kærleiksríkrar umönnunar. Þau eru fljót að sjá í gegnum fólk og hafa lítið álit á þeim sem þykjast sýna umhyggju. Á sama hátt taka þau ástfóstri við þeim sem eru sannir í kærleika. Í gegnum þessa glímu þroskast mannkynið saman.

Vertu meðvitaður um að leiða vitundina inn í hjartað. Hættu að hlusta á lægra sjálfið eða vitsmunalegan hroka og lifðu í gegnum hjartað með umburðarlyndi og náungakærleika. 

Kuthumi - Friðardúfan

Ég er Kuthumi og eftirfarandi skilaboð eru fyrir mannkynið.

Líttu inn á við, hugsaðu um sjálfan þig. Ekki hafa áhyggjur af því hvað aðrir eru að gera. Beindu athyglinni að þínum eigin andlega þroska, frekar en þroska annarra.  

Líttu á friðardúfuna. Ekki er hún að predika friðarboðskapinn. Einungis með tilvist sinni, hreinleika og útgeislun, vekur hún upp þrá eftir  friði með mönnum.  Ekki hefur dúfan áhyggjur af hvað aðrar dúfur hafa fyrir stafni, þar sem hún lætur loftið fylla vængi sína og svífur um loftin blá.

Byrjaðu á huganum og hreinsaðu hann.  Það er ekki nóg að hreinsa efnislíkamann, þú verður að byrja ofan frá, í huganum og þá mun hann hreinsa tilfinningalíkamann og síðan eter- og efnislíkamann.

Þjálfaðu hugann til að hugsa fallega. Hlustaðu á hugsanir þínar. Útrýmdu neikvæðum hugsunum og gagnrýni og fylltu hugann með jákvæðni og uppbyggingu fyrir aðra.  Þjálfaðu hugann til að hugsa fallega. Þið eruð öll fallegar sálir og engin ástæða til að gagnrýna hvert annað.  Hugsaðu um að byggja upp, ekki rífa niður. Byggðu upp fólk, ljós, dýr, náttúru.

Ég Kuthumi vil hjálpa ykkur með þessum upplýsingum. En hver verður að sjálfur að breyta hjá sjálfum  sér. Þið getið ekki breytt öðrum og aðrir geta ekki breytt ykkur.

Notaðu ljósið til að hjálpa þér. Nýttu þér ljós mitt og kraft sem er ávallt til reiðu. Eða nýttu þér geislana. Fimmti geislinn vinnur vel með huganum. Notaðu græna ljós fimmta geisla til að hreinsa hugann og þjálfa hann. Beindu græna ljósinu að heilabúi þínu og hreinsaðu neikvæðni í burtu.

Ímyndaðu þér að þú sért skurðlæknir í grænum slopp með heilabúið þitt á skurðarborðinu. Í kringum þig er skurðstofuteymið, sem samanstendur af öllum sem vilja hjápa þér, uppstignum meisturum, andlegum kennurum, leiðbeinendum etc, allir í grænum sloppum. Þú hefur yfir að ráða öflugum grænum leysigeisla sem þú beinir að heilabúinu.  Sjáðu nú fyrir þér hvernig þú fjarlægir hverja svarta slæðuna á fætur annarri, en þær standa fyrir neikvæðar hugsanir. Fjarlægðu margar margar svartar slæður, sendu þær upp í kærleikann. Hreinsaðu út myrkrið. Fylltu svo heilabúið með skæru heilandi ljósi, jákvæðum hugsunum og fegurð.

Taktu dúfuna þér til fyrirmyndar. Lýstu af hreinleika og með útgeislun og þannig verðurðu fyrirmynd annarra. Láttu jákvæðni og fegurð gefa þér byr undir báða vængi og fljúðu áhyggjulaus.  

Megi friður vera með þér.        

Miðlað af Hildi Þórðardóttur 29.4.2012

Ný skilaboð frá Kuthumi

Ég er Kuthumi og gegni stöðu heimskennara.

Ég vil beina orðum mínum sérstaklega til þeirra sem nú þegar ganga á ljóssins vegum.  Snúið ykkur að ljósinu eingöngu. Leitið uppi annað andlegt fólk og finnið ætíð það besta í öðrum. Leitið að ljósinu í öllu og öllum.  Við sjáum hvernig ljós ykkar eykst þegar þið umgangist aðra ljósbera, en smækkar þegar þið dettið ofan í lægra sjálfið.

Snúið baki við illu umtali eða snúið umræðunum í kærleiksríka umræðu. Veitið ekki stríði og átökum athygli. Snúið baki við öflum myrkurs. Því meiri athygli sem þið veitið myrkraöflum, því meira eflast þau.  Sendið kærleiksljós til þeirra svæða sem standa í baráttu, en ekki láta draga ykkur niður í tilfinningar lægra sjálfsins.

Hvað er lægra sjálf? Allt sem snýst eingöngu um ykkur sjálf, stolt, hégómi, tilfinningasemi, afbrýðisemi, grægði, valdafíkn, dómharka, þröngsýni, illt umtal, lítillækka aðra, eigið upphaf, þörf fyrir viðurkenningu annarra, skilgreina sig í samfélagshópa og aðgreina sig frá öðrum. Þið eruð öll hluti af sama ljósi og öll eins innst inni. Það er sama hvernig þið klæðist eða hvað þið borðið, þið eruð öll bræður og systur. Sálir ykkar eru tengdar. Lægra sjálfið hugsar af eigingirni, æðra sjálfið, sálin, hugsar fyrir heildina.    

Þetta er mikilvægt til að þið getið verið öflugir ljósberar, starfsmenn ljóssins. Sigrist á lægra sjálfinu og lyftið vitund ykkar upp í ljósið.

Miðlað af Hildi Þórðardóttur 17.4.2012 

Skilaboð frá Meistara Kuthumi

Ég er Meistari Kuthumi. Ég kem í friði. Ég gegni stöðu heimskennara og ber ábyrgð á að koma andlegri fræðslu til mannkynsins.  

Jörðin hefur sjö geisla til að hjálpa henni og mannkyninu í andlegum þroska og við uppstigningu. Mig langar hér að fjalla um fyrsta geisla. Hann stendur fyrir hugrekki og kraft, framkvæmdagleði, atorku, og góða stjórnunarhætti og er blár á litinn með hvítu og rauðu. Fyrsti geisli er eins og foss, beljandi risastór kraftmikill foss. Eins og Gullfoss. Ímyndaðu þér að þú standir undir fossinum og finnir vatnið dynja á þér. Finnurðu kraftinn?  Það er ólíklegt að þú gætir staðið undir honum slíkur er krafturinn, en þar sem fyrsti geisli er orka finnurður ekki jafn átakanlega fyrir honum.

Ímyndaðu þér nú að þú standir undir orkufossi fyrsta geisla. Þú fyllist krafti og atorku, þér finnst þú geta allt sem þér dettur í hug. Hugsaðu nú hvað þú vilt gera við þennan meðbyr. Viltu nota hann til góðs og fá ennþá meiri meðbyr, eða viltu nota hann í eigingjörnum tilgangi og fá hann á móti þér? Þegar við vinnum fyrir allt mannkynið, til góðs fyrir alla, fáum við meðbyr almættisins, meistaranna og engla. En þegar við vinnum eingöngu að eigin hag, störfum við ein.

Væri ekki betra fyrir allt mankyn að allir hefðu jafnan rétt til náms, fæðu, atvinnu og lífsþæginda? Þeir sem starfa í almannaþágu vilja slíkt fyrir allt mannkyn. Þeir sem hugsa fyrst og fremst um eigin hag finnst allt í lagi að aðrir svelti, eða þurfi að leita sér matar á öskuhaugum.

Ég er ekki að tala um að allir þurfi að skella sér í hjálparstarf, fæða hungraða og kenna fólki að lesa, heldur hugsa um heildina. Hvernig getur þú hjálpað mannkyninu í heild? Með því að byrja næst þér. Það eru margir í þinni heimabyggð sem þarfnast hjálpar þinnar. Bara við það að jafna út aðstæður heima fyrir hjálpar þú öllum heiminum.  Hjálpaðu útlendingum að fóta sig, hjálpaðu einangruðum börnum að tengjast öðrum. Opnaðu heimili þitt fyrir fólki.

Nú hugsar þú kannski að þú sért búin að byggja upp svo góða og fína orku á heimli þínu að þú viljir ekki fá hvern sem er inn til þín. En hugsaðu frekar um hvað aðrir hafa gott af því að koma inn í orkuna á heimili þínu, hvað það getur hjálpað þeim áfram á þeirra þroskabraut. Passaðu bara vel að hreinsa á eftir þeim.  Bara að koma inn í kærleiksríkt umhverfi getur opnað nýja sýn fyrir viðkomandi. Það hvetur viðkomandi til að opna fyrir andlegan þroska.

Hvað geturðu fleira gert fyrir fólkið þitt?  Fólkið þitt eru allir sem búa í sama landi og þú. Reyndar í öllum heiminum líka, því við erum öll úr sömu ljósuppsprettunni, neistar af sömu sól. Byrjaðu á fólkinu í götunni þinni, síðan hverfinu, síðan borginni og þá landinu. Þegar landið er orðið fullkomin mynd jafnræðis og samhyggju getuð þið farið að lýsa út fyrir landsteinana. Það er hlutverk ykkar Íslendinga að verða fyrirmynd annarra stjórnríkja, en það gerið þið ekki með sífelldum erjum og deilum.  

Fyrsti geisli starfar með stjórnvöldum landsins, en hafðu í huga að allir landsmenn eru ábyrgir fyrir stjórn landsins. Þú kýst ekki bara stjórnina á fjögurra ára fresti og síðan ertu stikkfrí. Þú verður að halda áfram að senda stjórnvöldum kraft og ljós til að þau geti framkvæmt það sem þarf til að allir þegnar landsins lifi í sátt og samlyndi á jafningjagrundvelli. Með því að senda kraft fyrsta geisla til stjórnvalda og áfram til allra stjórna landsins, hvort sem það eru stjórnir fyrirtækja eða sveitastjórnir, stuðlar þú að betra stjórnsýslukerfi og betri ákvörðunum. Ef allt andlegt fólk leggst á eitt og sendir fyrsta geisla á ríkisstjórnina munu betri vinnubrögð fljótlega taka við. Sem andlega þenkjandi einstaklingur berð þú ábyrgð á þróun lands þíns, ekki með því að taka þátt í bardaganum, heldur með því að senda ljós þangað sem þörfin er.

Fyrsti geisli beinist líka að frumkvöðlastarfi. Meistari Miriam  er verndari nýsköpunar og frumkvöðlastarfs sem miðar að betri sambúð við Móður Jörð. Litur hennar er rauður eins og eldurinn og hvítur. Sendu orku hennar og liti yfir allar þær byggingar sem stuðla að nýsköpun og líka þar sem ákvarðanir eru teknar um framtíð nýsköpunar eða fjármagni þangað er stýrt. Eins og þú gerir þér eflaust grein fyrir verður  nýsköpunin að gagnast mannkyninu til góðs og vera í jafnvægi við móður jörð og áætlun Guðs. Þær uppfinningar sem leiða til jafnari kjara fyrir alla njóta stuðnings Miriam, en þær sem stuðla að ósjálfbærni, aukins kostnaðar fyrir fátæka og gróða fyrir einkaleyfishafa og þar með auka ójöfnuð milli manna, verða að víkja. Sendu orku Miriam til þeirra nýsköpunarmiðstöðva sem þú þekkir og stuðlaðu þannig að betri uppfinningum fyrir mannkynið.

Sjáðu fyrir þér fyrsta geisla eins og bláan, hvítan og rauðan Gullfoss streyma yfir Alþingishúsið, stjórnarráðið, öll ráðuneytin, allar þær byggingar þar sem stjórnir taka ákvarðanir. Sjáðu hann líka fyrir þér streyma yfir Nýsköpunarmiðstöð, háskólana, háskólasetrin og alls staðar þar sem nýsköpun á sér stað. Því fleiri sem senda fyrsta geisla til starfa, því kröftugri verður hann. Án ykkar er hann sem mjúkur andvari, en með ykkar hjálp verður hann kröftugur stormsveipur.   

Við berum öll ábyrgð á þroska mankynsins og getum öll lagt okkar af mörkum. Við eigum alls ekki að taka þátt í bardaganum, heldur vinna á okkar hljóðláta hátt. Láta aðra koma til okkar. Sumir mála myndir með óútskýranlegum táknum að handan sem vekja fólk til umhugsunar, aðrir skrifa andleg gullkorn á netið. Við getum stillt upp  kristöllum á skrifborði okkar á vinnustað til að vekja forvitni fólks. Bjóðum fólki í heimsókn, leyfum ljósi okkar að streyma innan um ókunnuga. Þannig vekjum við fólk án þess að vera með ágang eða læti. Á meðan við sjálf vinnum með mýktinni getum við látið kröftugan fyrsta geisla vinna sitt verk.            

Miðlað 12. apríl 2012 af Hildi Þórðardóttur

Til hvers eru tilfinningar?

Maðurinn er tilfinningavera. Daglega upplifum við fjölmargar tilfinningar þó við gefum þeim kannski ekki gaum. Góðar tilfinningar eins og gleði, ást, kærleikur, þakklæti, samhyggð, fylla okkur vellíðan og því viljum við reyna að upplifa sem mest af þeim. En svo eru aðrar tilfinningar sem fyrst og fremst eiga að hvetja okkur til þroska og uppbyggingar og eingöngu að vara í stuttan tíma. Við köllum síðarnefnda hópinn neikvæðar tilfinningar, en það eru t.d. reiði, depurð, vonbrigði, leiði, sorg, höfnun, samviskubit, sektarkennd, skömm, kvíði og örvænting. Þó þessar neikvæðu tilfinningar séu allar eðlilegar og heilbrigðar upp að vissu marki, breytast þær í andhverfu sína ef ekki er unnið úr þeim og valda vanlíðan og eyðileggingu. Því er mikilvægt er að vinna úr þeim og hreinsa þær vel út.

Á milli lífa upplifum við engar tilfinningar. Við svífum um í stanslausu kærleiksástandi, allir eru vinir og enginn grundvöllur til misklíðar. En jarðlífið býður upp á þroska í gegnum tilfinningar og og þess vegna sækjum við í að finna til þeirra. Við horfum á sorglegar eða æsispennandi bíómyndir, hlustum á tónlist sem ýmist „kemur okkur í stuð“ eða kremur hjartað í okkur. Við lesum bækur sem fá okkur til að hlæja eða gráta eða láta hjartað hoppa niður í buxur af ógnvekjandi þræðinum svo við fáum martraðir margar nætur á eftir. Við þráum að finna allar þær tilfinningar sem mannlífið býður upp á. Við köllum þetta menningu.

En tilgangurinn með jarðlífinu er ekki að vera í stanslausum tilfinningarússíbana, heldur eigum við að nota tilfinningarnar til þroska. Við eigum að læra að ná stjórn á tilfinningum okkar og geta valið hvaða tilfinningar við upplifum. Þegar einhver byrjar að rífast í okkur, getum við valið hvort við rífumst á móti eða segjum að hann megi hafa þetta eins og hann vilji. Það á ekki að skipta okkur máli hvort hann hafi aðra skoðun en við. Þegar einhver kýs að hætta að umgangast okkur, getum við valið hvort við tökum því sem meiriháttar höfnun sem við munum aldrei komast yfir, eða hvort við hugsum að þetta sé hans val og breyti ekki okkar tilfinningum til viðkomandi. Við getum haldið áfram að senda honum góðar óskir og kærleiksljós.   

Geta Reikitáknin dregið okkur niður

Reikiheilun er ævaforn heilunaraðferð sem var endurvakin í Japan af Mikao Usui um 1922. Síðan hefur hún breiðst um heiminn og eru nú allmargir einstaklingar með þessa þekkingu. Reikiheilun er kennd þannig að m.a. eru ákveðin tákn blásin í höfuðstöð viðkomandi, sem gerir honum kleift að nota þau til að magna upp heilunina.

Nú hef ég heyrt undanfarin ár að fólk hafi látið fjarlægja táknin vegna þess að þau hafi verið til trafala. Í einu tilfellinu sagði viðkomandi að henni fyndist óþægilegt að hafa tengingar við alla þá sem hafa Reikiþjálfun og hafa kannski ekki sinnt sinni andlegu þjálfun nægileg vel. Þeir sem enn hugsuðu neikvætt drægju þá alla hina niður. 

Ég spurði mína leiðbeinendur um þetta og þeir sögðu: Vissulega eruð þið öll tengd sem hafa Reikitáknin í ykkur, en á sama hátt má segja að þeir sem eru búnir að vinna meira í sér og lengra komnir í þroska, geta þá híft hina upp. Þeir sem eru sterkir í ljósinu og kærleikanum þurfa ekki að óttast neikvæðni hinna skemmra komnu, því hún eyðist í ljósinu. En hins vegar er allt að vinna til að hjálpa hinum neikvæðu að sigrast á óttanum og byggja upp ljósið sitt. Það er til góðs fyrir allt mannkynið að halda táknunum inni. Þeir bættu svo við að finni fólk fyrir óþægindum vegna táknanna er að sjálfsögðu allt í lagi að fjarlægja þau.

Í öðru tilfellinu var viðkomandi sagt að táknin héldu tíðninni niðri og henni ráðlagt að láta fjarlægja þau og læra frekar aðra heilunaraðferð "með hærri tíðni".  Þetta sögðu mínir leiðbeinendur vera bull.  Þetta er eins og að segja að kristni sé betri en búddismi eða öfugt.  Allar heilunaraðferðir eru jafngóðar. Ég hef alltaf staðið í þeirri meiningu að þetta sé spurningin um heilarann sjálfan, hversu vel hefur hann hreinsað orkulíkamann sinn. Því meira sem heilarinn hefur unnið í sér, því meira hækkar tíðnin, næmnin eykst og hann nær sambandi við hærri verur. Fyrir utan að heilari getur ekki hjálpað neinum sem ekki vinnur sjálfur að því að hreinsa og sleppa. Það er því ekki rétt að reikitáknin geti haldið aftur af þroska, heldur eru þvert á móti leið til þroska fyrir okkur öll saman.

Við, andlega þenkjandi fólk, ættum ekki að metast um hvaða aðferð hefur hæsta tíðni. Það er jafn gáfulegt og að metast hvort er hollara brokkolí eða spínat.  Gerum ekki lítið úr aðferðum annarra. Vinnum frekar saman og styðjum hvert annað.  Sameinuð getum við lyft Grettistaki.    

Heilbrigði eða hrörnun

Líkami okkar hefur þann meðfædda eiginleika að endurnýja sig reglulega. Nýjar frumur myndast í stað þeirra sem deyja og einhvern tíma heyrði ég að það tekur ca. 7 ár að endurnýja allan líkamann.  Líkaminn er með innbyggða orkugjöf, sem sér honum fyrir krafti til að endurnýja frumurnar. Þetta er kallað lífsorka, chi, prana eða lífsandinn. Líforkan ferðast eftir líkamanum eftir ákveðnum orkubrautum sem saman mynda orkulíkamann. Þar af leiðandi ættum við að lifa að eilífu, heilbrigð og laus við hrörnun.

Hver er þá ástæðan fyrir því að maðurinn, þetta kraftaverk, hrörnar og deyr? Ástæðan er einmitt fólgin í því sem gerir okkur að manneskjum, nefnilega tilfinningarnar. Við upplifum heil ósköp af tilfinningum, hræðilegum og stórkostlegum, vonbrigðum og hamingju og allt þar á milli. En tilfinningarnar hafa áhrif á orkulíkamann. Jákvæðar tilfinningar eins og gleði, hamingja, ást, örlæti og trú gefa okkur aukið orkustreymi og vellíðan, en neikvæðar tilfinningar eins og reiði, vonleysi, depurð, ástarsorg, höfnun og sektarkennd, stífla flæðið og eyðileggja orkuna, svo endurnýjun frumnanna verður ófullkomin og gallaðar frumur myndast sem við köllum krabbamein. Þegar vísindamenn komast að þessu mun mannkynið taka mikið þroskastökk.      

Við meira að segja sækjum í ýktar tilfinningar til að upplifa lífið sem sterkast. Við horfum á sorglegar eða æsispennandi bíómyndir, hlustum á tónlist sem hreyfir við okkur, horfum á myndlist sem vekur með okkur tilfinningar. Við greinum jafnvel ekki muninn á jákvæðum og neikvæðum tilfinningum, því okkur er svo í mun að finna eitthvað.

En af hverju hættum við þá ekki að hafa tilfinningar til að geta lifað sem lengst?  Lífið hér á jörðinni er tilfinningalíf. Ef við vildum ekki upplifa ást, gleði og sorg værum við englar. Þeir eru alltaf fullir kærleika og skilnings. En þeir hafa engan frjálsan vilja, sem við hér á jörðu höfum og tilfinningarnar leiðbeina okkur við ákvarðanir.

Áður en við fæðumst veljum við okkur ákveðin verkefni í lífinu og aðstæður sem gera okkur kleift að sinna þeim verkefnum og þegar við höfum lokið þeim verkefnum eða ljóst er að við munum ekki ljúka þeim sökum rangra ákvarðana, er hlutverki okkar lokið hér og tími til að fara heim og endurmeta stöðuna. Ef við myndum lifa að eilífu væri ekkert endurmat, engin framþróun, bara stöðnun.   

Eftir áralanga þjálfun og störf sem heilari hef ég komist að þeirri niðurstöðu að ég get ekkert gert fyrir þá sem ekki trúa eða vilja ekki bata. Hins vegar get ég gefið fólki aukna orku til að bæta ástandið sjálft. Ég get hjálpað fólki að losna við neikvæðu orkuna til að flæðið renni á ný. En ef fólk heldur áfram að  sækja í neikvæðar tilfinningar er flæðið fljótt að stíflast á ný. Fólk verður að læra á tilfinningar sínar, hvort þær séu jákvæðar eða neikvæðar. Jákvæðu tilfinningunum á fólk að safna og reyna að upplifa sem flestar, en neikvæðu tilfinningunum er nauðsynlegt að vinna úr. Óhjákvæmilega finnum við fyrir reiði eða sorg stundum, en nauðsynlegt er að viðurkenna þær og vinna úr þeim, í stað þess að byrgja þær inni og láta þær eyðileggja frumurnar okkar.